القلق مش عدوك… المشكلة في إنك تسيبه مسيطر على حياتك. الكورس ده مش هيوعدك إنك تبطل قلق، لكنه هيعلمك تتعامل معاه بطريقة مختلفة، علشان ترجع إنت اللي بتاخد قراراتك.

القلق زي الضيف التقيل: بيزورنا قبل الامتحانات، وفي ضغط الشغل، وفي علاقاتنا، وكل مرة بنحاول نجرّب حاجة جديدة ونطلع من منطقة الأمان بتاعتنا. وكل ما نزقه بعيد، يمسك فينا أكتر.

في الكورس مع د. كريم محب، أخصائي الطب النفسي، هتفهم القلق بيشتغل إزاي جوه دماغك وجسمك، وتعرف الفرق بين القلق الطبيعي واضطرابات القلق، وتكتشف الغلطات اللي بتزوّده من غير ما تاخد بالك. هتتعلم أدوات عملية وهيكون ومعاك كراسة تمارين تشتغل بيها خطوة بخطوة، لحد ما تبني علاقة جديدة وصحية مع قلقك.

المعادلة واضحة: أنا عليّا الفهم والأدوات، وإنت عليك الممارسة… ومع بعض هنكّسر دايرة القلق.